اسكندريه عشقى الاول والاخير

اسكندريه
 
 
وأهو جالك الفارس
اللى غزل توبك
عاشقك ونفسه يكون
فى العشق محبوبك
يحفظ ترابك ربنا
ويخلى محجوبك
 
ياخد بايدك لفوق
ويزين ميادينك
ياللى انتى اصل الذوق
والفن تكوينك
 
يا لؤلؤه منوره
من بحرى للمندره
يا شابه يا صغيره
مهما السنين بتفوت
عاشقك وحبك مووت
 
يا اسكندريه
يا متشكله منى ومتكونه فيا
يا اسكندريه
يا احلى عروسه فى عنيا
 
يا اسكندريه يا حب يا احساس
يا طيبة الناس
يا موجة سحر وخدانى
بتغمرنى وتملانى
وسحر هواكى خلانى
أدوب فيكى
وأسهر كل لياليكى
وأقول للكل بهواها
فى صيفها أو فى مشتاها
بحبك
وحبك شئ ما يتقدر
يا بنت اسكندر الأكبر
ولا حدش فى يوم يقدر
يحبك قد ما بحبك
حكون شاعر
وحكتبلك
و أغنيلك
تغنى معايا من تانى
اسكندرانى أنا
انا والله اسكندرانى