السلام عليكم ورحمة الله وبركاتة
كل سنة وانتم طيبين
بمناسبة مولد سيد الخلق واشرف المرسلين
سيدى وحبيبى ونبى الله محمد صلى الله علية وسلم
النهاردة جايه اتكلم معاكم فى حاجة كنت بسمعها فى برنامج دينى بالمناسبة الجميلة دى
وكان الموضوع بجد هادف جدا واد اية احنا مش بنعمل حاجة نتغير بيها للاحسن
الا لما يكون فى معجزة بتحصل او حاجة بجد ممكن تكون مجرد حلم
بس لما نتخيلها وانها واقعية ممكن نتخلص من حاجات كتيرة وحشة جوانا
عيوب فينا نفسنا نتخلص منها ونرميها ورانا ونبعد عنها
الموضوع او السؤال اللى هنشوف الحاجات اللى فعلا نتمنى من الله انة يكرمنا ويبعدنا عنها فى اقرب وقت
او يساعدنا اننا نتخلص منها ومش نكررها تانى ويكون كرم ربنا علينا كبير
وندعى ربنا فى الايام المفترجة دى اننا نزيلها عننا بأى طريقة
نيجى بقى للحاجة اللى بتكلم عنها
تخيل انك قاعد فى البيت لوحدك ومحدش معاك مثلا فى البيت
وفجأة الباب بتاع شقتك خبط
بتفتح تلاقى حبيبك ونبيك رسول الله صلى الله علية وسلم
فى ثانية هتشوف اية فى نفسك غلط عايز تصلحة او مش عايز رسول الله حبيبك يشوفة عندك او يحسة فيك
صفة فيك
حاجة انت بتعملها عادة سيئة وعايز تبطلها
طريقة معاملتك مع الناس مش كويسة
بتتعالى على الناس
حاجات كتيرة مكروة عموما
يعنى انا سمعت ان فى بنات قالت كتير اول حاجة هرمى هدومى من البيت
وشباب قالت هبطل كل الحاجات اللى بشربها
وحاجات تانية كتيرة قالوها
حاكات كتيرة جدا جدا
دلوقتى تخيل انت الموقف دة وشوف انت عايز تتخلص من اية عشان رسول الله الكريم مش يشوفها عندك او صفة يحسها فيك
كلة يتخيل الموقف دة بجد ويقول اية الحاجات اللى هيتخلص منها
وكل سنة وانتم طيبين
تحياتى
